Ua fai si malosi atu o osofa’iga a Lusia ia Ukraine i le vaiaso nei ma ua faailoa e silia i le afe drones na tafana ane mai Lusia i Ukraine i totonu o le 36 itula talu ai.
O le amataga mai o le vaiaso na amata maitauina ai le faaauau pea ona malosi osofa’iga a Lusia ia Ukraine e lē gata i le ao ae faapea foi i le po.
Ua faailoa e le CNN faamatalaga a le militeli a Ukraine e faapea e lē gata la i le faaaogāina ane e Lusia o drones ae faapea foi la i taavale tau ma taavale faa’au’upegaina ma faailoa ai le popolega o le alii Peresetene, Volodomyr Zelensky mo lona atunuu talu mai le taua i Iran.
O osofa’iga la ia i le aso ananafi na manunu’a ai tagata e to’a 40 e aofia ai ma tamaiti e to’alima.
Faamaonia ane foi e le militeli a Ukraine o se tasi lenei osofa’iga tele mai ia Lusia e lē gata i le itu i Sisifo o Ukraine ae faapea foi i le ogatotonugalemu o le atunuu.
Puna o Faamatalaga: https://edition.cnn.com/2026/03/24/europe/russia-ukraine-rare-daytime-drone-attack-intl
