O le afā o Narelle lea ua faasolo ane lona ma’ema’eā i le itu i Mātū i Sisifo o Ausetalia i Sisifo ma ua lipotia o le a mātele ina aafia ai gataifale.
E fai si mamafa o timuga ua faailoa o le a aofia ai Perth ma e faasolo ina malolosi timuga.
Ua toe oo i le Vaega 3, Category 3 le malosi o Narelle ma ua malolosi foi matagi ua oo i le 200 kilomita i le itula.
Fai mai le vaaitau o loo ua aafia i le taimi nei Ausetalia i Sisifo ma e faaauau pea ona faatupula’ia le malosi o le afā i le aga’i atu i le faai’uga o le vaiaso.
O loo māta’itū e le vaaitau uiga o le afā o Narelle ma lona auala o loo aga atu iai e ono aafia ai le faaitu o Exmouth ae faateteleina lona malosi i le Category 5, a lē o lea e ono toe faaitiitia lona malosi ma ui ane ai i luga o Denham.
Poo fea lava le itu e aga’i iai e mautinoa lava le aafia o Perth ma ua fautuaina tagata ia faaeteete ma mataala i lōlōga oso faafuase’i, flash flooding.
Puna o Faamatalaga: https://www.9news.com.au/national/tropical-cyclone-narelle-to-cross-western-australia-coast-massive-rain-dump-on-perth/42610621-ed26-47bb-a0d6-44c4c1e527e5
