Ua lipotia mai e le CNN le tutupu o vevesi ma fe’ese’esea’iga i totonu o Gaza i le va o le Hamas ma isi kulupu e aofia ai ma le vaaia o le fasiotia ai o ni tagata faalauaitele ma ua atili tulai ai popolega e faatatau i le tulaga ua iai le saogalemu i isi vaega o lea faaitu.
O lipoti ma ata o ia vevesi ua faalauiloa solo i luga o upega tafailagi le social media, se tasi video o loo faailoa ai ni kulupu o tagata e fai mask ma isi o loo fai headbands lanu meamata a le Hamas, ua o latou fasioti ma tafana ni tagata se to’avalu sa iai i se nofoaga i Gaza city a o matamata iai le toatele o tagata.
Ua faailoa lagona le fiafia o le toatele i le tulai mai o lea tulaga aemaise sa faapea o le o ese mai o Isaraelu o le a taofia ai taua ma vevesi ao lea la e foliga ua toe amatamata ane le mataupu a le Hamas e pei ona lipotia.
E lē mailoa la pe o le a iai ea se filemu i Gaza poo le amataga o seisi ituaiga pulega fou o le fasiotia o tagata e pei ona taua i ia lipoti.
Puna o Faamatalaga: https://edition.cnn.com/2025/10/14/middleeast/gaza-public-execution-gaza-city-hamas-intl
