A o amatalia ai polokalame a aoga mo le faamanatuina o le Vaiaso o le Gagana Samoa, na mafai ona asia e le Radio Samoa le tamaitai o Bethsharon Mattocks i lana aoga, le Kolisi o Tangaroa.
O le tamaitai o Bethsharon Mattocks, o le uluai tamaitai papalagi ua mafai ona tausinio i le faaaliga o tu ma aganuu o le Pasefika e tauala mai i Kolisi Maualuluga o le atunuu o le ASB PolyFest 2024.
Ma na ia tauvā ai i le tauvaga tautalaga faasamoa.
O se uluai taimi ua faalogologo ai le toatele o talatala lea tamaitai i le gagana samoa, ma na maitauina ai foi le toatele o tagata na faaalia i luga o upega tafailagi lo latou mitamita ma le agaga faafetai i le naunau o Bethsharon e a’oa’o le gagana Samoa.
I se faatalatalanoaga a le Radio Samoa ma lea tamaitai 14 tausaga le matua, na ia faasoa ai i le amataga o lona naunau e a’oa’o le gagana Samoa.
Na ta’ua e Bethsharon i le Radio Samoa le tele o le tāua o le a’oa’oina o le gagana Samoa
Sa faasoa foi lea tamaitai i lona fiafia e suesue ma a’oa’o le tāua o le tele o alagaupu Samoa
Na fautua foi Bethsharon i le toatele o talavou o loo iai le naunautaiga e a’oa’o le gagana
O le tamaitai o Bethsharon Mattocks o loo i le Vasega 11 i le Kolisi o Tangaroa ma o loo galue lea tamaitai i se tasi o ana tusitusiga o solo faa-Samoa.
