O loo faatino nei se su’esu’ega i se mataupu na lipotia mai i Hamilton na faasiilima ai ni tagata sekulati na agai ane e piki le tupe a le faletupe o le ANZ i le Base shopping centre.
Fai mai le lipoti a leoleo na fesagai securities ma ni alii se to’atolu na agai atu ma auupega ma o latou gaoia ai se vaegatupe i le Aso Gafua. Fai mai leoleo e leai se tasi na faamanu’alia ma o le itu lea e faafetai ai ona e ave lava le faamuamua i le soifua o le aufaigaluega.
Fai mai leoleo o le taimi nei ua i o latou lima le mataupu ma o loo faatino nei le su’esu’ega ae talitonuina o i latou na faatupuina lenei faalavelave na aga’i ese i se taavale subaru lanu meamata o le laisene o le KNR 252 na maua ua tia’i i Pukete ma na ta’ua e leoleo o loo tau sailia pea i latou o loo aofia i lenei faalavelave.
