Leva o le po o le Aso Toonai a malama ananafi na faate’ia ai le aufaigaluega a le McDonalds i Aukilani ina ua faasiilima ma fā’ata atu iai le laau malosi ae gaoia tupe. 

Faamaonia mai e leoleo latalata i le itula e tolu o le vaveao ananafi na gaoia ai le lala lenei a le McDonalds I Cavendish Drive i Papatoetoe. 

E to’atolu na tata’eina le tioata ae faasiilima le sui o le aufaigaluega, ma gaoia loa tupe o loo i totonu o le till ae sosola ese. 

E oo mai i le taimi e tuufaatasia ai tala fou e leai se isi ua molia I lenei mataupu, ma o loo faaauau pea faatalanoaga.