Maua faamatalaga ua faasee ese le alii faiaoga lagolago a le Maroons o Cameron Smith mai lona tofiga a o sauni atu le ‘au mo le faatumauina o lona manumalo mo le tolu ai o tausaga sosoo i le State of Origin.
O se pepa o faamatalaga mai le Lakapi liki a Kuiniselani ua faamaonia ai lea tulaga ma o le a suitulaga ai Matt Ballin ia Smith.
E 42 taaloga o le State of Origin na taalo ai Smith mo le Maroons ma avea ai ma faiaoga lagolago ia Billy Slater talu mai le 2022, fesoasoani iai ma isi faiaoga lagolago o Jonathan Thurston ma Josh Hannay.
Na faafetaia e i latou uma faapea le kalapu le sao o Smith i le taaloga ae ua faailoa e Smith e faaauau pea ona auai i le lakapi i le vaega laiti aemaise o lana galuega faasalalau i taaloga.
