O le mataupu i kalone lapisi i paka ma pito o le alatele o le isi lea mataupu ua faailoa ai finagalo o tagata i lenei vaiaso aemaise i le itu i Sisifo o le aai o Aukilani ua fai si tele o kalone lapisi ia ua aveesea.
Ta’ua i le lipoti a le One News ua aveesea e le Pulega a Aukilani le oo atu i le 52 pasene o kalone lapisi mai le faaitu o Henderson ma Massey ma ua faaseā ai tagata ona o le tele o le otaota ua vaaia e lē gata i paka ae faapea foi i le siomaga o lea faaitu.
Fai mai le lipoti o le faamoemoe ina ia faaitiitia tupe faaalu e ala i le aveese mai o ia bins peitai e foliga ua o se tulaga lē lelei ua iai ma ua faailoa e le sui mai le fono faatonu a Henderson-Massey, ua talu ona aveesea bins ua tele faaseā ua faaoo atu ma o loo suesue nei lea mataupu.
Puna o Faamatalaga: https://www.1news.co.nz/2024/05/29/rubbish-bin-removals-some-auckland-suburbs-feel-dumped-on
