Ua faatonuina le faletupe a le Kiwibank na te totogiina se tino i tupe tele ona o le taufaasese o tala na sese ai ma nisi o ana paaga.

O le faaiuga lea a le faamasinoga maualuga i Ueligitone i le mae’a ave ai e le Financial Market Authority (FMA).

E $812,500 lea o le a toe totogi e le Kiwibank ma o se faasalaga ua mafua ona o lea na iai tuutuuga na fai i paaga e leai ni transaction fees e totogi pe afai e iai sau home loan mai le faletupe.

Peitai i le va o Setema 2005 ma Mati 2020, o lea lava na toe totogi le tusa ma le 35,000 paaga ma e silia ma le $1.1 miliona le tupe na toe maua ai e le faletupe.

Ona o le tulafono a le FMC Act faatoa aloaia mai le aso muamua o Aperila o le 2014, o le mafuaaga lea o le faatoa mafai ona faafoi iai i lea aso o le iloiloina o le mataupu lenei, lea e na o le 19,000 paaga aafia o loo mafai ona oo iai le malosi o le tulafono ma overcharged fees e $576,809.66.

Ua molimau foi le FMA o lea ua toe tautino le Kiwibank ua ia soli le tulafono.