E $279,500 le faasalaga tupe ua tuuina i le Mercury NZ, o se tasi o kamupani eletise a le atunuu ona o le faaseseina o ana paaga i totogi ua ta’ua o early termination fees.
Fai mai le RNZ ua maua ua solia e le kamupani le Fair Trading Act poo le tulafono o Fefaatauaiga Talafeagai e ala i lo latou faailoa i le 2 afe o a latou paaga e tatau ona o latou totogi se tupe o le early termination fee ae ua suia faiga faavae i tulaga ia.
O le 2016 na suia ai faiga faavae a le kamupani i tulaga faapea ma aveese ai le fee poo le totogi lea mo paaga ua faamuta a latou accounts i le kamupani, peitai sa faailoa pea e le kamupani i nisi o nei paaga e tatau ona totogi pea le fee lea.
O nisi na faailoa iai o le a le totogiina le tupe lea pe afai e faaauau pea ona avea ma paaga a le Mercury.
Ua faailoa i le lipoti ua mae’a ona toe totogi e le kamupani tupe i tagata sa sese ona tuuina iai ia totogi.
Fai mai le sui o le Commerce Commission e tatau i pisinisi ona faamautinoa o loo latou faailoa ia latou paaga a latou aiātatau ma e tatau foi ona aoaoina lelei le aufaigaluega pe afai e faia ni suiga i le faagaioia o le pisinisi.
