Ua faasala nei le kamupani kiliva meaai o le Door Dash e totogi le silia ma le 2 miliona mo le lafoina atu o le silia ma le miliona o text ma imeli i tagata, e faapea o ni taufaasese poo spam.
O le Australian Communication and Media Authority ua o latou ta’ua o faaseā mai paaga ma i latou sa fuafua e avea ma avetaavale i le auaunaga ua afua ai se suesuega i le kamupani Amerika lenei.
Ua maua la i sailiga a le Telecommunication Regulator sa lafoina e le Door Dash le silia ma le 566 afe o imeli faalauiloa i paaga ua lē o toe lesitala i le auaunaga ma le 515 afe o text sa maua mai tagata sa fuafua e avea ma avetaavale i le Door Dash.
O le Door Dash o se kamupani tele latou te faia le maketiina o oloa ma e leai se avanoa e lē tatau ai ona lē usitaia tulafono o auaunaga faapea auā o ituaiga meli ma text ia sa lafoina e mafai ona faaupu o spam ae o loo aofia atu ai lava ma tulaga faapisinisi ma ofo e ono faaupuina o faasalalauga faapisinisi
