Ua tuuina ni faasalaga i le ta’ita’i o le Destiny Church ma lona faletua ona o tetee na vaaia ai le silia ma le afe o tagata o savalia le motorway i Aukilani ma poloka ai le alatele.
O Hannah Tamaki sa tuuina iai se sala e 250 tala mo le savalia o le motorway ma sa ia faailoa se kopi o lea ticket i luga o lana itulau o le facebook.
O loo ta’ua foi i le Newshub o loo iai foi o la moliaga o loo feta’uaina ai le solia o aiaiga o le vavao na faia i le tausaga na te’a nei e ala i le faatulagaina o solo tetee i le taimi lea o loo faasā ai le faia o ia tulaga.
O le masina fou o loo faatulaga e toe iloilo ai ia moliaga. E lē o faailoa maia i le lipoti pe fia se faasalaga na tuuina ia Brian Tamaki.
