O le a faasā taavale i luga o le matafaga a Muriwai i taimi o fiafiaga.
O le faaiuga lea mai le Auckland Council ma e 17 aso le umi o le sā.
Mai le sui o le pulega o se faaiuga ua faia ona o le ono lamatia mai mu aemaise le saogalemu o tagata lautele.
O loo lagolagoina e le pule sili o le Regional Parks Scott De Silva le faaiuga ua faailoa mai ona o le taimi lea e tumutumu ai tagata i le matafaga.
O le faatonuga mai le Auckland Council e tatau ona paka uma taavale i le kapaka ae savavali agai i le matafaga.
O le sā e amata faamamalu mai le itula e 8 o le taeao o le Aso Faraile 30 Tesema seia oo i le itula e 8 o le Aso Gafua, 16 o Ianuari 2023.
