O le a faasā ona toe faaaoga e kamupani fai petipetiga, credit cards pe a taaalo i luga o le initaneti, e mafua mai ona o se fuafuaga mai le faigamalo, federal government.
O ia faamatalaga na folasia i le asō e le minisita o fesootaiga o Michelle Rowland ma le minisita o le Social Services Amanda Rishworth ma o le a apalai i auaunaga uma faapea o loo laiseneina a Ausetalia.
E le o mautu mai poo afea o le a amata faamamalu ai lea faiga fou ae o loo fuafua e tuuina le tulafono e faatatau i le mataupu lea i le Palemene i le faaiuga o le tausaga nei.
O le faia la o lea sā o le a ogatasi ai loa tulafono o taaloga faitupe i luga o le upega tafailagi a isi auaunaga e pei o kalapu, papu ma kasino.
E le o aafia ai taaloga Lotto i lea faiga.
