O le ata faamomoiloto o le ia sa poo le laumei o loo faafaigata ona manava ona o se taga pepa iila ua pupuni ai ona foliga, o se tasi lea o ata ua faa aofia e le faigamalo a NIu Sau Uelese e faamatilatila ai le feau taua ua faalauiloa mai ile faamuta lea o le toe faaaogaina o plastics.
Ua faia le faaiuga a le setete ina ia faasa aitema e pei o plastic straws, cutlery, o ipu pepa plastic ma pou ma amata faamamalu ile masina o novema.
Ua maea ona faasaina isi tagapepa iila mama i le masina o Iuni peitai o lea la ua laa le malo i leisi laasaga i le aveese mai o isi ituaiga tagapepa iila ia e taitasi lava le faaaogaina faapea foi ma aitema plastic pei ona taua.
Ua faailoa foi la o le a tuuina faasalaga i pisinisi e vaaia o faaaogaina pea plastics nei pe a oo i le aso e faamamaluina ai ia sa fou ma o le Regulator tau le siosiomaga a le setete o le a tuuina faasalaga i pisinisi e maua o faaaoga pea plastics.
Fai mai o le a muai aoaoina foi e le Environmental Protection Agency pisinisi ma faailoa le taua o nei sa fou ma unaia ai le galulue faatasi, ma afai e le sologa lelei lea tulaga ona faatoa faatulaga loa lea o faasalaga e tuuina ia i latou e le usitaia lenei faiga fou, O tagata taitoatasi e le aofia ai i lalo o nei faasalaga pe afai e faaaoga se aitema plastics mo se taimi.
