O le aai o Moreton Bay i Kuiniselani ua o latou faia se sā e faasā ai tagata e leai ni mea e nonofo ai, mai le taofia o ni fagafao poo meaola tausi atoa ai ma le momoe i nofoaga faitele i vans.
O le pulenuu o lea faaitu o Peter Flannery ua ia faailoa i lipoti a le ABC ua o latou faamutaina nei le mataupu lea ona o ta’ifau e umia e tagata ia e leai ni fale e nonofo ai, ua tele ina osofa’ia ai tagata aemaise foi isi tagata e leai ni mea e nonofo ai.
Fai mai a latou ua fai si o latou tuuavanoa tele i le mataupu lenei mai tausaga ua te’a peitai ua oo i le taimi ua tatau ai ona fai iai se faai’uga mo le saogalemu o tagata lautele.
O le vaiaso nei la ua amata tuuina ai faaaliga e le Council i tagata ia e tusa ai o le sā.
Ua lipotia i le ABC faamatalaga ma se tasi o tamaitai e nofo i lona fale’ie ma lana ta’ifau, fai mai a ia o lana ta’ifau e puipuia o ia ma e tele lu’itau sa feagai ai i le sauāina ma uiga soonafai peitai o si ana ta’ifau sa fesoasoani tele ia te ia.
O se mataupu ua faailoa ai se finagalo mai se tasi o Charity Nourish Street, fai mai a latou o le faai’uga ua faia e le Council o se matuā ta mamafa lea i tagata homeless pe leai ni mea e nonofo ai aemaise o le a oo i le Kerisimasi.
Puna o Faamatalaga: https://www.abc.net.au/news/2024-12-18/city-of-moreton-bay-bans-pets-van-sleeping-for-homeless-people/104732688
