E toatele tagata Niu Sila o loo pologa i le lē lava o le faasoa, ma o tagata Pasefika isi o loo tigaina ai.

O le faaiuga o le suesuega faaletausaga a le Retirement Commission ua maua ai le faaopoopo o le 17% o tagata Niu Sila faaletonu tamaoaiga faatusa i le suesuega na fai ai le 2021.

E 55% o tagata Niu Sila ua iai i se tulaga faigata tele, ma o tina, tagata Maori ma tagata Pasefika lea o loo matuai tigaina ai.

I tagata Pasefika lava ia na o ia o le 58% lea ua lipotia le faigata o le leai o se tupe, ma o le toatele o loo amoina lea avega o i latou e i le va o le 18 ma le 34 tausaga.

Na maua ai foi i le suesuega le faatupulaia o tagata nofo aitalafu i nonogatupe, peitai na faamauina foi le faaopoopo o tagata e ola paketi ma faia teugatupe.

Mai tagata na suesueina o le 51% na lipotia ua amata ona magoto, ae o le isi 3.5% ua matuai faigata lava le tulaga ua iai.