O loo faaopoopo pea tagata e ave e leoleo ona o faaviviliga pa’u taavale lea na faia i luga o tuugamau fou i Cambridge.
O le fanuatanu lenei i Hautapu e lē gata ua faaleagaina le vao ona o faaviviliga pa’u, ae ua faasoloatoa i luga o tuugamau fou ma ua leaga atu ai ma maa faamanatu.
O le vaiaso talu ai na ave ai le 19 tausaga o Waikato, ae o le faai’uga o le vaiaso na molia ai le isi to’alua ma e ta’i 24 tausaga.
O le vaiaso nei e tutula’i ai alii e to’alua lea faato’ā molia i le faai’uga o le vaiaso, ma ua toso atu ai ma le taavale e tasi lea na faaaogā e alii ua molia.
O ni amioga ua faaalia ai le lē fiafia o le komiuniti, ma e lē o faigofie foi i aiga o ē ana tuugamau ua faaleagaina.
