Ua faaopoopo ni taavale, ma ni va’a afi laiti mo le auaunaga o loo ofo e le pulega o le tineimu ma galuega lavea’i mo taimi o faalavelave faafuasei, e ala ise foai a le Malo o Iapani e tusa lona tau ma le $346,000 tala Samoa.
O se foai na faamautu ile masina o Mati o le tausaga na tea nei. O le afioga ile sui Palemia le afioga Tuala Tevaga Iosefo Ponifasio sa fai ma sui o le Malo e nate talia le foai ma ia molimauina foi taavale e aofia ai se loli mo galuega laveai, oni taavale ave ma’i se tolu ma ni vaa afi laiti fou se lua e faaaoga lava i galuega lavea’i.
E le ose taimi muamua lenei ua faia se fesoasoani a le Malo o Iapani mo lea auaunaga a le Malo. O tausaga ua mavae sa fesoasoani ai foi lea Malo ile aumai oni loli fuimu mo lea tautua taua o loo mafai ona fesoasoani ai e faasaoina meatotino ma soifua o o tatou tagata pe a tutupu ni faalavelave.
