O loo ua iai se tamaititi ua aafia ma aveina atu i le falemai e faaopoopo atu i nisi o tagata matutua pe silia ma le 100 ua togafitia foi ona ua gasegase i le taumafaina o laulaau o le spinnach.
O loo ta’ua o spinnach ia mai le Riviera Farms ma pe ā ma le 11 nisi ua lipotia mai le aafia i Kuiniselani, pe a ma le 33 mai NSW sa manaomia le faia iai o togafitiga ae ua faalautele foi ma le lapataiga ina ia taofia le toe faaaogaina pe faatauina foi o lea fualaau.
Fai mai o auga e pata le tino, faafaufau tulou ma e ono iai se suiga i le tautala i nisi tagata e pei e faatosotoso ma ua ta’ua e fomai e le o se tulaga lelei lea tau le soifua maloloina ma o loo taumate o se ituaiga vao o loo ola faatasi ane i le ituaiga eleele e ola ai foi le spinnach ma o loo suesueina pea i le taimi nei.
Fai mai le Health NSW e 88 tagata na lipoti atu o loo aafia i auga ia ma le 11 o loo lipotia mai i Vitoria.
Ua mae’a ona toe valaauina ane le faafoi o lenei oloa mai faleoloa o Coles ma Aldi o loo faatauina ai ma fautuaina ia taofia le toe taumafaina.
