O loo faaopoopo pea le lisi o tagata e lē manana’o i le $350 mai le malo e fesoasoani i le taugata o le soifuaga ua iai. O lipoti ananafi e latalata i le 1,000 ae oo mai i le afiafi ananafi i le mānava o galuega ua 2,227 tagata ua leai mai i peimeni ua ta’ua o le cost of living payment.
O i latou ua teena le $350 o i latou nei o loo talitonu latou te lē agavaa. Ua faatalosagaina e le National Party le suetusi sili ina ia iloilo pe fia tupe ua alu sese i tagata Kiwi sa lē tatau ona latou mauaina.
Saunoa le minisita o tupe maua, David Parker pe ā ma le 1% o le 2.1 miliona o tagata o loo mauaina lea fesoasoani, o i latou nei e lē agavaa ma ua ta’utino ai foi ma le minisita o lea sa silafia e le malo e iai tagata lē agavaa e ono mauaina.
