Ua faia malaga faaopoopo e ave ai uta i Asia mo le Tausaga Fou a Saina.

E valu faigamalaga faaopoopo a vaalele e tuua Kalaiesetete ua faia faapitoa e momoli ai meaai e faatau atu i Niu Sila a o lei ta le tausaga fou a Saina.

Ua faamaonia mai ai e le pule sili o le malaevaalele a Kalaiesetete o se taimi pisi tele lenei mo oloa auina i fafo ma o se tala fiafia foi lea mo le au faifaatoaga i Kalaiesetete.

I le faaaoga ai o le malaevaalele i Kalaiesetete na i loa le tau aumai i le malaevaalele i Aukilani, o se isi foi lea auala e le gata e faafaigofie ai felauaiga ae vave oo ai foi meaai i maketi o loo faamoemoe e faatau atu iai, ma o le 48 itula lava le umi agai i le tasi le vaiaso lea o loo iai ae taunuu i atunuu i fafo.

O le tuufaatasiga o oloa e faatau atu i fafo o loo ave e faigamalaga faaopoopo nei e na o uta e ave ai, e tusa ma le 800 tone le mamafa.