Ua faamaonia mai nei i lipoti le faaopoopo ai o le numera o tagata ua aafia i le faama’i o le misela i itu i Mātū o Niu Sila.
E to’atolu ua mama’i ma ua oo ai nei le numera o ē ua aafia i le to’a 9.
Ua faamauina o i latou nei na fesoota’i atu iai i latou na aafia muamua, ma e mautinoa o le ala lea na aafia ai.
Tā’ua o le popolega o loo iai nei, e na o le to’atasi lava le tagata na faamaonia le aafia i le misela ae o lona ‘aifilofilo ai i tagata lautele lea ua pepesi ai ma lona lē iloa ua maua i le faama’i.
I lipoti mai le NZ Herald, o le a’oga maualuga o Kerikeri le nofoaga e pei na amata aafia ai le tagata, i le taimi o su’ega a fanau i le amataga o Setema.
Ua fautuaina malosi e le auaunaga o le soifua mālōlōina le mamalu lautele aemaise i latou na iai i le a’oga i lea taimi, ua amata faalogoina ma vaaia āuga o le misela e pei o le fiva ma le pata o le tino ina ia vave faafesoota’i atu le ofisa le Healthline (0800 611 116) e tusa lava pe ua toe manuia.
Vaofilifili & Le Soga
136 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
