E le itiiti ifo i le 4 afe le faasalaga tupe o le a tuuina i aveloli o loli tetele i Niu Sa Uelese pe afai e ave ane loli ia i tunnels i le aai.
O se vaega lenei o se taumafaiga ua faia i le mae’a o ni faalavelave talu ai nei na matuai poloka ai femalagaaiga i ana poo tunnels ia i Sini.
O le a faaopoopo atu i lea faasalaga tupe, le faalēaogāina o le laisene mo le ono masina faapea foi ma le lesitala o le loli.
Saunoa le minisita o auala Josh Graham o aveloli lelei e silafia lava e latou le maualuga e tatau ona iai a latou loli e mafai ai ona ulufale i tunnels ae peitai e iai lava si vaega itiiti o aveloli e le o manatu i lea tulaga.
Ua faailoa foi i lipoti i le asō o le a faaalu e le malo le 5 miliona i le faaleleia o faailo ma sensors ma faaleleia ai vaega o le alatele.
