E tolu isi vaega ua faaopoopo i faailoga o le Aotearoa Music Awards i le tausaga nei 2024 lea ua faailoa i se lipoti mai le RNZ e faapea o le Breakthrough Artist Award ua vaevaeina i ni vaega se lua ina ia atagia lelei ai le maketi o le musika i Niu Sila ma ua toe faatulaga ai i vaega e lua o le Breakthrough Artist of the Year category ma le Breakthrough Single of the year.
O le isi faaopoopoga o le Inaugural Te Manu Matarae category e faatāua ai le sao o se tagata ua tulaga ese foi lona taumafai ma e toalua e mafai ona maua lea faailoga.
O le Aotearoa Music Awards e faatāua ai ma faamanatu le tulaga faamanuiaina o le musika i le atunuu i tausaga taitasi ma faalauiloa atili ai taleni o le musika.
O le tausaga nei o le a faataunuu ai lea faamoemoe i le Viaduct Events Center i Aukilani i le aso 30 o le masina nei.
Puna o Faamatalaga: https://www.rnz.co.nz/news/national/517555/three-new-categories-at-2024-aotearoa-music-awards
