O loo silasila nei leoleo I le faalavelave na faaoolima ai se tasi o tamaitai ise tamaititi aoga mai le Glen Eden Intermediate I Aukilani ile aso gafua o le vaiaso nei. Ua faamaonia mai e le pule ole aoga Maree Sievert I talafou a le televise tasi I le aso e faapea o se tamaitai na ulufale atu I laufanua o le aoga I le aso gafua ile taimi o le lunch ma faaoolima ai ile tamaititi aoga I le playground. E le o iloa I le taimi nei le mafuaaga ua faatino ai lea tulaga.
Fai mai le pule aoga o loo galulue faatasi nei ma leoleo e suesue le mataupu lenei ma ua logoina foi matua o tamaiti na vaaitino I lenei tulaga ma ua toe foi ane foi I le aoga le tamaititi na aafia. Fai mai le lipoti e le tigaina le tamaititi na aafia ma o loo faatalia se faamatalaga mai leoleo
