O le asō lea sa tatau ai ona tulai ai i le faamasinoga se alii e 26 tausaga ua molia i le mataupu ua manu’a tigaina ai ma ave atu i le falemai se tamaititi i le mae’a ona faaoolima iai se tagata e pei ona feta’ua’ina, e faaaoga ai se auupega i le faaitu o le Northern Territory.
Fai mai leoleo o le tamaititi mai Tennant Creek e tusa lea o le itu i Matu o Alice Springs ae o ananafi na tupu ai le mataupu lea.
O loo feta’ua’ina o le alii lea e 26 tausaga sa faasuaava ma ia faaoolima ai i le tamaititi e faaaoga ai se auupega.
Na faavave atu le tamaititi i le falemai o tamaiti i Adelaide ona e tuga manu’aga e pei ona faamaonia mai e leoleo.
O lē ua molia na pueina e leoleo ma molia i le faaoo manu’a tuga ma o le asō e tatau ona tulai ai i le faamasinoga faalotoifale i Alice Springs.
