O le lē totogia o le pasese le mafuaaga na taumafai ai le avepasi tamaitai e tuli i lalo ma le pasi, ma o i tonu na faaoolima ai loa i le avepasi.
O le ‘afa o le fā i le afiafi o le Aso Gafua lea e faapea na tupu ai ina ua lē faaaogāina le AT hop a le alii 39 tausaga, ma e faapea o lea na piki e le pasi i Ponsonby Road i Aukilani.
O se molimau i tala a le Herald o loo tuua’ia na tu’i ma a’a e lea alii le tamaitai avepasi ina ua faatonuina e alu i lalo ma le pasi.
Fai mai ai ma leoleo o lea ua molia lea alii ma e tulai i luma o le faamasinoga i le Aso Faraile nei.
O se tala faanoanoa e tusa ma molimau a le Auckland Transport ma o loo fesoasoani nei i suesuega faaauau a leoleo aemaise o le lagolago i le tamaitai avepasi ua aafia.
Na ta’ua mai le gatete o le tamaitai avepasi i le taimi na tupu ai ma i lipoti a leoleo, e lē tigaina ona manu’aga.
Puna o Faamatalaga: Bus driver assaulted on Ponsonby Rd, Auckland, after trying to kick man off for not paying fare – NZ Herald
