E lei maua se faamatalaga mai leoleo ae ua faaalia e se molimau o lē ua fano le soifua sa faia sana galuega fesoasoani o le aveese o le i’a tele o le dolphin lea e faaigoa o le manua, sa pa’ulia i se vaega o le gataifale o le nuu o Asaga i le faaiuga o le vaiaso na tea nei.
Na tafea ane le i’a ua mate mai gataifale o lea nuu ma oo ane i gataifale o le nuu o Lano e tuaoi ma Asaga ma faia ai loa le galuega fesoasoani a le taulealea ua maliu.
E iai le talitonuga o le toto mai manu’a o le i’a tele na pa’ulia ma le manogi o ni itu faaeteete gata ia, ae na lalata ane ai ma malie o le sami, lea e iai le talitonuga o le mafuaaga o le aafia o lē na faia le galuega alofa o le aveese mamao o le i’a o le manua na pa’ulia.
O le afiafi o le Aso Sa ananafi, na lipotia mai ai lea tala faanoanoa mai Salafai.
Na toe maua mai ata i luga o le fb i le asō, le susunu ai e nisi o le nuu, o le tino mate o lenei meaola i luga o le taligalu o le afioaga na tulai mai ai le faalavelave sa lei faatalitalia ananafi.
