O le masina o Novema o le tausaga nei e amata ai le isi vaitau o afā ma timuga, ae o le mae’a ai o lea vaitau i le faai’uga o le masina nei o Aperila, ua faaalia ai e le ofisa o le tau e 4 matagi afā sa alia’e i ogasami o le Vasa Pasefika i Saute talu ona amata le vaitau o afā ua mae’a nei.
E le’i aafia ai Samoa auā sa mamao nofoaga sa tupuga mai ai e pei ona faailoa e le ofisa vaaitau.
O le vaaiga mamao mo Samoa lava ia e matua’i maualalo se avanoa e ono agai sa’o mai ai se matagi afā i luga o le tatou atunuu, peita’i ua faaalia e le ofisa o le tau o le a siitia le faitau aofai o timuga i lona maualuga masani mo le masina o Me o lumana’i nei.
O le faamanatu mai le augalulue i le ofisa vaaitau i Samoa ia mataala ma tapenapena i taimi uma ma ia mautinoa o loo taulimaina faamatalaga moni ma ‘anoa o uiga loulouā o le tau.
