Ua faamuta e le Minisita o le Soifua Mālōlōina, Dr Shane Reti nisi faamatalaga feavea’i ua ta’ua ai o le a tapunia le falema’i i Dargaville.
Fai mai le Minisita o ia faamatalaga feavea’i e sese.
Sa fesiligia foi e le RNZ le alii minisita pe o iai ni fuafuaga mo le falema’i lea i tulaga tau galuega toe faaleleia, pe faatelē foi pe tapunia, ae tali le minisita e lē o iai se tulaga o faatalanoaina ai le falema’i lea i Dargaville.
Na ta’ua foi e se sooupu mai le ofisa o le alii minisita o tagata o loo faasalalauina faamatalaga lē sa’o ia faatatau i le falema’i i Dargaville ua tuuitiitia lava e latou lo latou faatuatuaga i auaunaga lautele tau le soifua mālōlōina.
O le falema’i lea i Dargaville e auauna mo le silia i le 27 afe o tagata i le itumalo o Kaipara i Northland ma o loo feagai foi ma lu’itau i le faatinoina o le auaunaga e aofia ai ma le lē lava o foma’i.
O loo faatalia le i’uga o nisi o feutana’iga o loo feta’ua’ina o loo faia i le va o le pulega ma le aufaigaluega ae tasi le tulaga ua manino e lē tapunia le falema’i lea e pei ona saunoa iai le minisita.
Puna o Faamatalaga: https://www.rnz.co.nz/news/national/530118/health-minister-quashes-rumours-dargaville-hospital-could-be-closed-down
