O le faipule sinia o le National, Barbara Kuriger ua famavae mai vaega sa patino iai lana auaunaga ona ua lipotia e mafua mai i faamatalaga sa faia e le taitai o le vaega faaupufai, Christopher Luxon.
I se pepa o faamatalaga ua faamatuu mai e le taitai ua ta’ua ai na ulufale Kuriger i le palemene i le 2014 ma sa lona 10 i le faasologa o faipule o le vaega faaupufai ma sa avea ma sooupu a le vaega faaupufai i vaega e pei o faatoaga, biosecurity ma le saogalemu o taumafa, food safety.
Na ta’ua i le lipoti e foliga o se mataupu o loo aafia ai le tamaitai faipule ma lona aiga ma le matagaluega o le Primary Industries lea ua mafua ai ma ua faia ai le faaiuga e faasee ese ona e iai se aafiaga i le faatinoina o ona tiute i matata sa ia galue ai.
Fai mai le Luxon o le a faia se fetuunaiga i le mataupu lea i nai masina o lumanai.
