O le alii faasalalau i le polokalame a le Sunrise a le Alaata 7 a Ausetalia o David Koch poo Kochie e pei ona silafia ai e le toatele ua faamavae mai lana galuega i le asō i sana faamatalaga sa faia i luga o le Sunrise ua faate’ia ai le toatele.
Lipotia e le ABC ua faamavae le alii faasalalau i le mae’a o le silia ma le 20 tausaga i le galuega ma ia ta’ua o le mafuaaga ina ia mafuta ma lona aiga ma galue i nisi poloketi.
O le 2002 na amata ai Kochie i lana galuega lea ma o ia le tagata faasalalau aupito umi i le galuega e pei ona faailoa e le Channel 7, ua silia ma le 5,300 ana polokalame ua faia.
Na faailoa e le ofisa sili o le Seven West Media e umia le Alaata 7, e faaaloalogia le faaiuga ua faia e le alii faasalalau ma e tele lona sao i le auaunaga a le televise ma soo se mea lelei e iai lava le taimi e muta ai.
O Kochie sa avea ma tagata faasalalau o le polokalame o le Sunrise faatasi ma isi aufaasalalau iloga foi a Ausetalia o Melissa Doyle, Samantha Armytage ma le tamaitai o loo la toalua nei o Natalie Barr.
