E le taumate e toatele ua faateia I le maua o le faamatalaga I le vaiaso nei ile faamavae o le sa avea ma faauluuluga o le Hillsong Church, Brian Houston. Sa iai se mataupu na lipotia ile televise alaata 7 ile po anapo e faailoa ai ni faasea se lua na tuuina I le ekalesia faasaga ia Houston ma sa suesueina.
Ae lei aliae ia faasea sa iai foi seisi mataupu na aofia ai Houston oni tuuaiga e faatatau I lona tama Frank Houston.Ole faamatalaga mai le ekalesia ua faailoa ai ua faamavae Brian Houston o se faifeau sinia o le Hillsong ma ua taliaina ele fono faatonu poo le board le faamavaega.
O loo taua I lea lava pepa o faamatalaga mai le ekalesia o loo nofo tatalo pea mo Houston ma lona aiga ma e ioeina uma le latou auaunaga I le Atua mo le tele o tausaga.
