O lea la ua manino mai le isi paga o le a sosoo ai a Joseph Parker mo le fusuaga ia Mati.
O le alii mai Saina o Zhilei Zhang mo le paga mamafa a le WBO.
O Zhang ua 40 tausaga le matua ma e faaigoa foi o le Big Bang ma e sologa lelei foi ana fusuaga.
O le tausaga na tea nei na malo ai ia Joe Joyce mai Enelagi. Pe ā ma le 130 kilo o iai nei Zhang ma e vave foi le faaaogāina o lona lima agavale.
Na ta’ua i le lipoti a le One News e ui i le tulaga lelei o le malosi o Parker ina ua mae’a mai le fetauiga ma Wilder ae e manomia lava ona tapena mo le fetauiga lea ma Zhang.
O lona uiga la o fusuaga ia o le a fetaui ai Anthony Joshua a Francis Ngannou i le paga autu, fetaui Zhang ma Parker i le WBO Interim Heavyweight title, Feaweight o le a fetaui ai Rey Vargas ma Nick Ball i le Kingdom Arena, Riyahd i le aso 8 o Mati 2024.
