Faamaonia i lipoti i le asō mai le NRL ua faatonuina aloa’ia le alii taalo o Latrell Mitchell e lē taalo i le taaloga e tasi pe a amata mai le taamilosaga o le tausaga fou 2025 e ui i nisi o faamatalaga sa ia faia faapea lana kalapu.
Ua faailoa e le 9News sa saili e South Sydney ni fautuaga faaletulafono i le mataupu lea ae iai foi faamatalaga a Mitchell sa faia i le aso ananafi i le Instagram, peitai fai mai le NRL i le asō e tasi le taaloga e lē mafai ona taalo ai Mitchell i le taamilosaga o le tausaga fou.
O lona faasalaga lea e mafua mai i le ata sa faailoa solo i le social media ma isi upega tafailagi o loo iloa atu ai se substance pa’epa’e i le laulau o loo iai le alii taalo a o iai i Dubbo.
Puna o Faamatalaga: https://www.nine.com.au/sport/nrl/news-2024-latrell-mitchell-south-sydney-rabbitohs-suspension-loophole-decision-20240906-p5k8f8.html
