O alii sa avea ma kapeteni o le Toa Samoa i tausaga ua tea o Nigel Vagana ma Tony Puletua lea ua agai atu nei e avea ma isi o le ‘au poo le team a le alii faiaoga o le Toa Samoa, o Ben Gardiner mo taaloga o le sailiga siamupini a le Pasefika poo le Pacific Championships.
O Gardiner sa lagolago i le faiaoga o le Panthers Ivan Cleary ma ua ia faatino le laasaga lea o le faamautu pea o le aganuu a Samoa i totonu o ana tolauapiga e ala i le filifilia o Vagana, Puletua ma Willie Po Ching faapea foi le isi faiaoga o Mark Taufua, Hannah Laban, fomai o Dr John Ward ma le taitai faaleaganuu Fereti Tuilagi, o lana team lea e toafitu.
Ua faailoa e lipoti mai le NRL o Po Ching ma Puletua o faiaoga lagolago a o Vagana o le a feagai ma tulaga faaleaganuu ma le soifua manuia, cultural and wellbeing, lea foi sa gallue ai i le Kiwis.
O Samoa o le a taaalo i le taaloga amata o le taamilosaga lea e fetaui ai ma Ausetalia i le aso 14 o Oketopa, sosoo ai ma le taaloga a Samoa ma NZ i le aso 21 o Oketopa.
