Sa tālia i le taeao nei le faasalalauga a le sui faipule o le Green Party, Chloe Swarbrick e iloa ai lona momo’e i le palota e sailia ai se isi e suia James Shaw.
O lea ua avanoa le isi nofoa o le tofiga taitai o le Green Party ina ua faamavae Shaw, ma o le faipule muamua lava lea a le Green na tele ina taumate iai le toatele.
O le ta o le 11 i le taeao nei na faia ai le fonotaga a Swarbrick ma tusitala ma faamaonia ai loa, o le a momo’e i le palota mo le sailia o lea tofiga mo le latou vaega faaupufai.
Soo se tasi o sui o le Greens e mafai ona momo’e, ma e tapunia le faaulu o suafa i le aso 14 o le masina lenei ae faatoa faamaonia lē o le a faamanuiaina mai i le aso 10 o le masina fou.
