O le 1pm i le aoauli nei o loo fuafua e faamatuu mai ai e le Ministry of Business, Innovation and Employment fuainumera fou o le fuafuaga faataatitia a le Malo mo le aofa’iga o le suāuu o loo mafai ona teuina e le malo a o tatou aga’i atu i le fuafuaga e ta’ilua vaiaso ma faailoa mai ia Niu Sila le tulaga o loo iai le sapalai o le suāuu mo le atunuu, a o faagasolo ai pea le taua i Sasa’e Tutotonu ma aafiaga o le tapunia ai o le Strait of Hormuz.
I se tusitusiga i luga o le X a o le’i faia le fono a le Kapeneta, na ta’ua ai e le afioga i le Palemia Christopher Luxon, e faamoemoe o le itula e 4pm i le aoauli nei, o le a aga’i mai ai, faatasi ma le minisita o tupe, Nicola Willis ma le minisita lagolago o le malosi’aga, Shane Jones, e aumai ai se lipoti pito lata mai o lenei matāupu.
Na ta’ua e Willis i le taeao nei, o loo ia faatalitalia e ono sii laitiiti i luga le aofa’iga tonu o aso o loo faatulaga mo le aofa’iga o le suāuu o loo iai, ae o loo faaauau pea ona lava le suāuu o loo teu mo Niu Sila e lē gata i le suāuu o lea e i totonu o le atunuu ae o loo aga’i mai foi nisi sapalai.
O loo iai lava isi fuafuaga faataatitia a le malo ina ia faamautinoa o loo lava tapena mo le sapalai o le suāuu mo le atuuu, ae o le a tālia se isi lipoti lata mai i le aoauli nei mai le afioga i le alii Palemia e faailoa mai ai le aofa’iga tonu o iai le sapalai i le taimi nei ma le sapalai o loo aga’i mai vaa e aumaia le suāuu.
Puna o Faamatalaga: https://www.nzherald.co.nz/nz/politics/latest-new-zealand-fuel-stock-figures-how-much-is-in-the-country-and-on-ships-in-transit/YYYHQZRK55EKXBU3OQO3GRBRMI/
