Pe ā ma le 14 afe tagata Niu Sila ua lipotia ua aafia faalua i le Koviti-19 ma o faamaumauga a le soifua maloloina ua iloa ai e 183 tagata ua faatolu ona aafia i le vairusi.
Ta’ua e le matagaluega o le soifua maloloina pe ā ma le 2/3 o tagata ua toe aafia i le faama’i ei le va o le tasi ma le lua masina e va ai ma toe aafia.
O faamaumauga ia e mai le matagaluega e fua ia i latou o loo faamauina o loo aafia ae lē o aofia ai tagata e lei lipotia atu ua faamaonia le aafia. Ua faailoa e le matagaluega e tele lava mea fou ua aoina mai i le faama’i ma ona aafiaga ma e lē o iai foi ni faamaoniga e faapea e tigaina atu le tagata pe a toe aafia pe faatolu foi i le koviti.
