Ua fa’amatu’u mai i le amataga o le vaiaso nei e le Faalapotopotoga o le Soifua Maloloina o le lalolagi, le WHO se lapataiga tau le soifua maloloina e faatatau i le fa’aaogaina ma le tufatufaina o ni vaitale se tolu ua tu’uaia nei i le maliliu ai o tamaiti i Initia mai le masina talu ai.
O vaitale pei ona ta’ua na faamaonia o le Coldrifm Respifresh TR ma le Relife. Fai mai le WHO i se pepa o faamatalaga o vaitale nei sa gaosia ane mai kamupani e tolu i Initia, Sresan Pharmceuticals, Rednex Pharmaceuticals ma le Shape Pharma.
Ua ta’ua o ia vaitale na maua ua maualuga tele ai se tasi o oloa o loo gaosia ai le diethylene glycol lea e ono afua ai ni manuaga ogaoga pe maliu foi aemaise lava i tamaiti.
Fai mai le CNN e le o le taimi muamua lea ua maua ai ni tulaga maualuga faapea o lea vailaau i vaitale i Initia, o le 2023 foi na lipotia ai le iai o se sootaga o cough syrups ile maliliu ai o tamaiti i Uzbekistan ma le The Gambia.
Ua faamuta ai loa ma le toe gaosia o ia vailaau ae fai mai le WHO e le o iai ni faamaoniga o ni vailaau ua ave faasolitulafono ma o loo talia nei la se tali a Faletalavai e tolu o loo faatauina le vaitale e pei ona taua ma o loo faaauau le suesuega.
Puna o Faamatalaga: https://edition.cnn.com/2025/10/14/world/who-warning-contaminated-cough-syrup-india-deaths-intl-hnk
