E silia ma le 3.5 miliona tagata Ausetalia e aafia i ni tulaga o ni uiga pulepuletutuū pe fia malosi pe faamata’u (coercive control), e pei ona faailoa i faamaumauga a le ofisa o fuainumera faamauina a Ausetalia.
O loo fua pe 2.2miliona o le itupa o tamaitai matutua e tusa lea ma le 2.3 pasene, atoa ai ma le 1.4 miliona o le itupa o alii ua aafia pe sa oo foi i ni tulaga e sauaina ai faalogona e se paaga i se taimi o le soifua.
O le faatonu o le ofisa lea o fuainumera faamauina a Ausetalia le ABS, Will Milne na ia ta’ua o tagata e ono aafia i ituaiga tulaga faapea o matua ta’ito’atasi (single parents), o tagata e iai mana’oga faapitoa tau le mafaufau aemaise tagata o loo feagai ma mafatiaga i itu tau tupe.
