Ua faamatuu e leoleo se poloaiga e pueina ai se alii i le mae’a o le faalavelave na tupu i le aoauli o le Aso Sa na tea nei i Aukilani i Sisifo e pei ona lipotia e le televise a Niu Sila.
O le faalavelave sa tupu i le fale i Wattle Road i le tea o le tasi i le aoauli. O loo sailia ai nei e leoleo se alii e 27 tausaga o Jayden Haynes ma fai mai leoleo e le tatau ona afea e se isi ona o puipuiga mo le saogalemu, ae ia vave ona vili le 111.
O le faalavelave na faaaoga ai se fana ma e toatasi le tagata o loo iai pea i le falemai i le taimi nei ona o le faalavelave lea ma o loo fia maua foi e leoleo ni faamatalaga e uiga i se taavale lanu uliuli o le ituaiga Volkswagen Golf o le laisene NWY742.
