Ua faamatuu atu nei e leoleo se poloaiga e pueina ai le alii ua manaomia i le faalaevlave e foliga ua sese ai ona fasiotia se alii mai Sini i le mataupu ua mae’a molia ai e leoleo ni sui o se kegi.
O Ahmed Al Azzam 25 tausaga na maua atu o iai ni manu’aga tuga i lona tino i totonu o se taavale i Greenacre i le aso 23 o Iulai ae maliu ai lava mulimuli ane i le falemai.
O se tasi alii e 22 tausaga lea foi o loo afaina i manu’aga ma tigaina foi atoa ai ma se tamaitai 19 tausaga le matua na maua uma atu o manunu’a i se isi taavale i lea lava aso.
O le alii la e suafa ia Marko Saric 24 tausaga ma isi e toalua e 39 ma le 25 tausaga, lea ua molia uma i le fasioti tagata ae fai mai leoleo e manatu o le tagata tonu na fanaina Azzam o loo maua i suesuega o loo i fafo atu o Ausetalia.
Na faamatuu mai ai lava e leoleo ma se poloaiga poo le warrant e pue ai Anthony Pele, 22 tausaga.
O isi na molia uma i le aso ananafi i le mae’a o osofaiga a leoleo i le mataupu lava lenei pei ona lipotia i le 9News e aofia ai Punipuao Afamasaga, 21 tausaga, Joshua Jazz Pele 25 tausaga ma Ayman Manly 40 tausaga le matua.
