Ua vave faamatuu mai le alii o Ben Murdoch Masila mai lana konekarate le NZ Warriors ina ia agai atu ai mo se avanoa i se tasi o kalapu a le NRL pei ona faamanino mai e lana kalapu i le vaiaso nei.
E tolu tausaga le konekarate a Masila sa sainia ma le Warriors i le tausaga talu ai 2021 ma sa tatau ona faatoa mae’a i le faaiuga
o le tausaga fou peitai la o lea ua iai le suiga ua faatinoina nei.
Saunoa ai le ofisa sili o le Warriors ma lipotia i le Newshub e faapea sa iai le naunautaiga e faauma lelei le konekarate a Ben i le kalapu peitai e le o iai le kalapu i se tulaga e mafai ai ona ia toe ofoina atu se isi faaopoopoga i le konekarate a Masila ae ua iai se isi kalapu ua o latou ofo ane lea tulaga mo le alii taalo.
O loo iai lipoti o loo feta’ua’na ai e foliga o le a toe foi i le kalapu a Farani le Catalans Dragons lea sa iai foi muamua ma sa taalo mo le Salford ma Warrington ae lei agai mai i le Warriors.
