Ua faamata’u ane le ta’ita’i o le vaega faaupufai a le Green, Adam Bandt o le a ia ave i le tulafono Mark Dreyfus, le Loia Sili a le atunuu ona o ana faamatalaga sa faia e faatatau i solo tetee e lagolago ai Palesitina.
Fai mai le ta’ita’i o le Green na te iloa e iai ofisa faasalalau ua o latou lē faasalalauina nisi o ia faamatalaga ona o popolega i aafiaga i le tulafono.
Ua faia le faamata’u lea a Bandt i le mae’a o feupua’iga i le Palemene na tau fai tuua’ia ai e le Palemia o Anthony Albanese ma le ta’ita’i o le Itu Agai, Peter Dutton, le ta’ita’i o le Green ona o le faasalalauina o nisi o faamatalaga lē sa’o ma le iai o lo latou sao i tetee o loo faia e lagolago ai Palesitina.
O faamatalaga na faia e Mark Dreyfus o le Loia Sili a le atunuu, faasaga ia Bandt sa faia i luga o le polokalame a le ABC ma o loo faatalia se tali ane a le alii loia i le lu’i a le ta’ita’i o le Green.
Puna o Faamatalaga: https://www.9news.com.au/national/adam-bandt-mark-dreyfus-greens-leader-threat-sue-attorney-general-palestinian-protest-remarks/294646e8-9f6a-48d7-91ec-34e27311efd1
