O faamatalaga fou ua agiga i lipoti i le asō e faatatau i le mataupu na maua ai tino maliliu o tamaiti i totonu o atopa’u i lea foi sa lipotia atu muamua i talafou, ua ta’ua mai ai i le asō, o atopa’u ia na iai totonu tino maliliu ua iloa nei sa fesiitai pe move atopa’u nei i le ‘afa muamua o le 2021 i le va o storage units i le nofoaga o le SafeStore Papatoetoe e pei ona lipotia i le Stuff.
O se tagata sa ia malamalama i le femeiaiga lea o atopa’u na ia faamatala i le Stuff na te iloa sa iai isumu ma lago mamate sei tulou i le unit ae e lei iai se manogi na faalogoina e masalomia ai se tulaga faapea.
E le o fia faia se faamatalaga a le sui o le kamupani a le SafeStore i le mataupu lea ona o loo ua i leoleo le mataupu e pei ona lipotia e le Newstalk.
O tino maliliu o tamaiti e toalua e i le va o le 5-10 tausaga na maua i atopa’u ma faia ai loa le suesuega a leoleo.
Ua ta’ua foi i le lipoti lava lea se faamatalaga mai le leoleo suesue Tofilau Faamanuia Vaaelua i le taimi o lea suesuega e faapea e foliga e tolu i le fa tausaga talu ona iai tino maliliu o nei tamaiti i le nofoaga lea i Papatoetoe.
