Ua faamatala e le Palemia o Ausetalia, Anthony Albanese le la feiloaiga ma le taitai o Saina i le fonotaga le ASEAN Summit i Cambodia e faapea e puupuu ae ‘anoa.
Sa faia foi se talanoaga a le Palemia ma le Peresetene o Amerika Joe Biden lea ua valaaulia e Albanese e faia sana lauga i le Palemene o Ausetalia ma ia tuuina ai foi ma sana feau mo Lusia e faatatau i ana osofaiga faasolitulafono i Ukraine.
I se suiga fou ua vaaia nei le foliga ua tau toe lelei mai le sootaga i le va o Ausetalia ma Saina ma ua faailoa e le Palemia sa talanoa lelei foi ma le premier o Saina i le aso ananafi ma o le tagata lona lua lea le malosi i totonu o Saina.
Fai mai Albanese o lona manatu o se mea lelei o loo tupu ma ua faafia foi ona ia faailoa o le mafutaga ma Saina e ao lava ona galulue faatasi i vaega e mafai ai.
Fai mai le Palemia o le mataupu autu na faatalanoaina o le faamanatuina o le 50 tausaga o le sootaga o upufai a malo e lua o Ausetalia ma Saina lea e le o toe mamao.
