Ua lagona leo o le to’atele ua manana’o e suia tulafono o loo faanofoesea ai tagata ona o le Koviti.
Mai su’esu’ega na faia e le Iunivesite a Aukilani ua iloa ai o le faia o siaki e iloa ai le uma o le piriota e faanofoesea ai e fesoasoani lea i le pepesi o le Koviti atoa ma le mautinoa pe moomia pea le faaauau ona faanofoesea seia atoa le 10 aso.
Mai lē na tusia lea lipoti i tala a le TV1, Emily Harvey o loo vaavaai nei pe e lē ua iai se isi suiga e sili atu na i lo le fitu aso o loo faanofoesea ai nei tagata ua aafia i le faama’i, ma mai le to’atele na su’esu’eina ua iloa ai o le to’atele e ono vave uma le piriota faanofoesea.
Ae i ia i latou na maua e moomia pea le faaauau, ua sau ai lipoti e le to’atele ma o lea foi ua iai tala e ono mafai ona tuu mai i lalo i le 5 aso e suia mai ai i le 7 o loo iai nei.
Tali lelei e le alii su’esu’e faapitoa ia Michael Baker le i’uga o lea su’esu’ega, ma o loo ia lagolagoina foi le faia o siaki e lua e mautinoa ai le te’a ma le faanofoesea, ae lē na o le tasi.
O se tasi lenei o suiga ua faitau masina o talosaga le National ua tatau ona suia tulafono faanofoesea ma o loo tuua’ia ai le malo, ua fai lava si o latou telegese.
O le masina fou e toe iloilo ai puipuiga o le Koviti o loo iai nei a Niu Sila.
