Ua faamaonia lava ua maliu si alii Niu Sila o Andrew Bagshaw lea sa galue o se volunteer i Ukraine ina ua faalauiloa mai se faamatalaga mai lona aiga i le asō ua faamaonia ai lea tulaga.
Fai mai lipoti o Bagshaw ma le isi sa la galulue faatasi o Chris Parry sa taumafai e laveai se tina matua mai le faaitu o Soledar i Ukraine ae lavea ai le la taavale i osofaiga faagasolo a Rusia.
Fai mai lona aiga o le a umi se taimi faatoa mafai ona toe faafoi mai lona tinomaliu i Niu Sila ona o tulaga faaletulafono a Ukrine ae ua faailoa e lona aiga e tele tulaga lamatia na iai le soifua o lo latou atalii ae o lona naunautaiga lea o le faasaoina ma le fesoasoani i soifua o tagata ma o le itu lea e faafetai ai si ona aiga.
Faaiu le faamatalaga a si aiga i le faamatalaga e unaia atunuu o le lalolagi ia taofia ia ne’i ta’ua ma fevaevaeaiga ua tele soifua ua ma’umau ai.
